தூக்கத்தைத் தொலைக்கும் கனவை
துரத்தச் சொன்ன கலாம்
தூங்கா விதைகளை
வெளியெங்கும் விதைத்துச்சென்ற கலாம்
எதனினும் கொடிய
இளமையில் வறுமை கண்ட கலாம்
அதனினும் அரிய
உயர்வினில் எளிமை கொண்ட கலாம்
அறிவு
பலம் நேர்மைத் திறம்
கொண்டு
சாதித்த கலாம்
அவ்வாறு
வாழ நினைப்போரிலெலாம்
வாழ்வாங்கு
வாழ்வார் கலாம்
விரும்பியதைச் செய்யும்போதே
காலம் ஆன கலாம்
அவர்தம் ஆத்மா நிறையும், ஒவ்வொருவர்
கலாம் ஆகும் காலம்!
